வெள்ளைக் கலையுடுத்து வெள்ளைப் பணிபூண்டு

வெள்ளைக் கமலத்தில் வீற்றிருப்பாள் – வெள்ளை

அரியா சனத்தில் அரசரோ(டு) என்னைச்

சரியா சனம்வைத்த தாய்.

தூய சிம்மாசனத்தில் அரசரோடு என்னைச் சமமாக அமர வைத்து எனக்குச் சரியாசனம் வழங்கியவள் கலைமகளாகிய தாய். அவள் வெள்ளை ஆடை உடுத்தி வெள்ளை நிற நகைகள் அணிந்து வெள்ளைத் தாமரைப் பூவில் அமர்ந்திருப்பாள்.

கலை – ஆடை; பணி – அணிகலன், நகை; கமலம் – தாமரை; அரியாசனம் – சிம்மாசனம், அரசர் அமரும் சிங்க முகம் கொண்ட பெரிய இருக்கை. சரியாசனம் – சமமான இருக்கை. தாய் – தாயாகிய கலைமகள்.

வெள்ளைக் கமலத்திலே – அவள் வீற்றிருப்பாள், புகழ் ஏற்றிருப்பாள் (பாரதியார்)

யார் கொடுப்பார் இந்த அரியாசனம் – புவி

அரசோடு எனக்கும் ஒரு சரியாசனம்

(கண்ணதாசன், சரஸ்வதி சபதம் திரைப்பாடல்.)

000

11-06-23